البارحـة مالـت غصـون معذبتـنـي بثـمـره واشبعت قلب كـان متعبنـي علـى لقمـة هـوى
البارحة صـوت الغـلا جـاب الهـروج معطـره وجروحي اللـي مالهـا عنـدي دوى جاهـا دوى
البارحة باتـت همومـي وسـط حضـن المقبـره واحيا الله بعيني خفوق فـي حياتـه مـا ارتـوى
البارحـة كـل الحيـاه بنظـرة عيونـي مــره جتني تسابق شوقها لين وصلـوا عنـدي سـوى
وقبل أمس همّتنـي جفـا كانـت غرامـي تنثـره والمّ كسرة خاطـري والعـن ابـو درب الهـوى
والعـن ابـو ؟ هواهـا فـي قليـلـه واكـثـر هوالعن ابو ؟ الخفوق اللي هـوى مـدري غـوى
واضيق وازعل وانتخـي لليـل واقعـد واسهـره وارمـي غلاهـا لقمـة للذيـب لاجـاع وعـوى
واثر الهوى يا اهل الهوى قاسي علينا مـا اكفـره وليا نوى يحـرق قلـوب العاشقيـن اليـا نـوى
ما كنت أعرف ان الظروف أصعب من شعور زهره ما كنت أعرف ان الغلا في قلبهـا شـب وضـوى
واني غلاها اللـي تنامـه وان سهرهـا تسهـره واني هواها اللـي علـى خفاقهـا حبـل التـوى
صارت سواة الجمره اللي فـي ظلـوع المبخـره والعود قلبي والفضـا شـم القصيـد ومـا حـوى
وما عاد يملي عيـن عبلـه غيـر طلـة عنتـره ولا عاد تتحمل شوارب قيـس مـن ليلـى نـوى
البارحـة جـادت علـي بكلمتيـن … وحنـجـره وارخت هدبها في هدبها وانبـرى جفـن وكـوى
لمت جديـل الليـل فـي يدهـا وجـات مبعثـره حب وجوى لين أغرقتني فالهـوى حـب وجـوى
جتني مثل حـس القصيـد اللـي يلـوم المحبـره وارخيت خشم المحبرة يم الـورق ليـن استـوى
قرت غلاهـا فـي حروفـه ثـم جتنـي مجبـره ضاقت بها أنفاس الغرام وكنـت فـوق المستـوى
واليوم مدري وش حصـل والجـو مليـان غبـره قامـت تغلـى والتغلـي يهـدم صـروح الهـوى
يا ناس يـا مـر الجفـا واللـي يعرفـه يخبـره سمّ ومـر الحنظلـه حالـي ومـرّة مـا انقـوى
البارحـة مالـت غصـون محيرتـنـي بثـمـره واليوم يا بخل النخيـل يشـح فـي تمـرة نـوى
وسلامتكم منقوووول
موضوع: لعن ابو الخفوق 
الإثنين ديسمبر 24, 2007 7:15 pm
