j[ طفل كسر قلب الأعياد ] ..!
عدّى عمر .. ياليت الأعمار تنعاد
وأرجع بلا شيب وبليا تجاعيد
أرجع وأضم أبوي وأقول: لا عاد
تموت وتتركني مثل ليلة العيد
يوم اسألوا عنك الصبايا والأولاد
وقلت:أمي تقول انه مسافر بعيد
بكيت ليلتها وناديت..ما فاد
وظليت أصوت لك .. وأناديك وأعيد
عوّد يا بوي وجب لي ثياب جداد
يا كثر ما تنسى يا بوي المواعيد
بكيتك لحالي وأنا كنت معتاد
تكف دمعي بـ إيد وتضمني بـ إيد
كم كنت محتاجك تجي كنّك رقاد
تمطر من كفوفك صلاة وعناقيد
احتجت لك طفلٍ كسر قلب الأعياد
واحتجت لك طيش وشباب وتناهيد
واحتجت لك شاعر له أحباب وأضداد
واحتجت لك رجال يخشى المناقيد
احتجت لك .. واحتاج لك ظل وسناد
العمر ينقص واحتياجي لك يزيد
::للشاعر الامتالق فهد المساعد::
![j[ طفل كسر قلب الأعياد ] ..! Empty](https://2img.net/i/empty.gif)
موضوع: j[ طفل كسر قلب الأعياد ] ..! ![j[ طفل كسر قلب الأعياد ] ..! Icon_minitime](https://2img.net/i/fa/darkages/icon_minitime.gif){kind=icon}
الجمعة ديسمبر 21, 2007 7:05 pm
